काठमाडौं, चैत ११ । राष्ट्रिय स्वतन्त्र पार्टीले वैशाख १३ गते उपनिर्वाचन हुने तीनवटै निर्वाचन क्षेत्रमा उम्मेदवारी दिने निर्णय गरेको छ । पार्टीको शुक्रबार बसेको केन्द्रीय समिति बैठकले उक्त निर्णय गरेको हो ।
पार्टीको शुक्रबार बसेको केन्द्रीय समिति बैठकले तनहुँ–१, चितवन–२ र बारा–२ मा उम्मेदवारी दिने निर्णय गरेको उपाध्यक्ष डोलप्रसाद अर्यालले जानकारी दिए ।
उनले भने, ‘पार्टीले उपनिर्वाचनमा उम्मेदवारी दिने निर्णय गरेको छ । त्यसैगरी बैठकले चितवन–२ को संयोजकमा डोलप्रसाद अर्याल, तनहुँ–१ मा सहमहासचिव कविन्द्र बुर्लाकोटी र बारा–२ मा केन्द्रीय सदस्य गणेश कार्कीलाई तोकेको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
