काठमाडौँ, चैत १० । आफूलाई सुन्दर देखाउने नाउँमा आफ्नै स्वास्थ्यमाथि खेलवार्ड भईरहेको धेरैलाई थाहा नहुन सक्छ । तर कपडा टाईट लगाउँदा स्वास्थ्यमा असर पर्ने गरेको छ ।
कपडा किन्दा जहिले पनि आफूलाई सहज हुने खालको लगाउनु पर्दछ । भुँडी ठूलो भएका अनि बोसो लुकाउनका लागि कम्मरमुनि जीन्स (लो वेस्ट जीन्स) लगाउने मान्छेले स्वास्थ्यलाई हानी गराउँछन् ।
हामीले लगाउने कपडाले हाम्रो शरीरको आकार निर्धारण गर्छ । अनि भुँडीको बोसो लुकाउनका लागि टाइट जीन्स लगाउँदा बोसो माथि सर्छ र जम्मा हुन थाल्छ । अनि त तपाईंको शरीरले अनौठो र असाधारण आकार लिन थाल्छ ।
महिला र पुरुष दुवैले टाइट जीन्स लगाउनु ठीक हुन्न । धेरै टाइट जीन्स लगाउँदा पुरुषको अण्डकोष बिग्रेर उनीहरू नपुंसक हुन सक्छन् । टाइट जीन्सले नसा र मांसपेशी पनि खराब बनाउँछ ।
चिकित्सकहरूले कम्पार्टमेन्ट सिन्ड्रोम भनी चिनाउने रोग पनि टाइट जीन्सका कारण लाग्न सक्ने बताएका छन् । यसले गम्भीर आन्तरिक रक्तश्राव गराउँछ र मांसपेशी फुलाइदिन्छ । हिँडडुल गर्नै अप्ठ्यारो गराइदिन्छ ।
टाइट जीन्सले मृगौला पनि ड्यामेज गरिदिन्छ । चिपिक्क टाँसिएका जीन्सले तपाईंको सौन्दर्य बढाउनुपर्नेमा तपाईंको आकार नै बदल्न थालेमा तपाईं तत्काल सचेत हुनुपर्छ ।
Published Date: 24 March 2023
