काठमाडौं, चैत १० । शुक्रबार सुनको भाउ तोलामा ८ सय रुपैयाँले बढेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ९ हजार ८ सय रुपैयाँमा कारोबार भइरहेको छ । बिहीबार यसको मूल्य प्रतितोला १ लाख ९ हजार रुपैयाँ रहेको थियो ।
त्यस्तै, हिजो प्रतितोला १ लाख ८ हजार ५ सय रुपैयाँमा कारोबार भएको तेजावी सुन आज प्रतितोला १ लाख ९ हजार ३ सयमा कारोबार भइरहेको छ ।
यसैबीच बिहीबार र शुक्रबार चाँदीको भाउ प्रतितोला १ हजार ३ सय ६० रुपैयाँमा स्थिर रहेको छ ।
Published Date: 24 March 2023
