काठमाडौं, चैत ८ । अन्तर्राष्ट्रिय क्रिकेट परिषद् (आइसिसी) को वरियतामा नेपाल एकदिवसीय क्रिकेटमा १५ औं स्थानमा उक्लिएको छ ।
आईसीसीले आज सार्वजनिक गरेको नयाँ वरियतामा नेपाल एक स्थान सुधार भई १५ औं स्थानमा उक्लिएको छ । नेपाल ओमानभन्दा एक स्थान पछि झरेको छ । नेपालले ४० खेलबाट १२३८ अंक जोडेको छ । रेटिङमा नेपालले ३१ अंक जोडेको छ । ३० खेलबाट ९१९ अंक जोडेको ओमानले रेटिङमा नेपालभन्दा ३१ अंक जोडेको छ ।
आईसीसी विश्वकप लिग २ त्रिकोणात्मक एकदिवसीय शृंखलामा नेपालले पछिल्लो १२ खेलमध्ये ११ खेल जितेर १९ बाट १७, १६ बाट १५ औँ स्थानमा उक्लिएको छ ।
नेपालपछि ओमान १६औँ, नामिबिया १७औँ, अमेरिका १८औँ, युएई १९औँ र पपुवा न्युगिनी २०औँ स्थानमा छ । नेपालअघि नेदरल्याण्ड १४औँ, जिम्बाब्वे १३औँ र स्कटल्याण्ड १२औँ स्थानमा छ ।
भारत पहिलो, अष्ट्रेलिया दोस्रो, न्यूजिल्याण्ड तेस्रो र इंग्ल्यान्ड चौथो स्थानमा छ । त्यसैगरी पाकिस्तान पाँचौं, दक्षिण अफ्रिका छैटौं, बंगलादेश सातौं, श्रीलंका आठौं, वेस्ट इन्डिज नवौं, अफगानिस्तान दशौं र आयरल्यान्ड ११ औं स्थानमा छ ।
Published Date: 22 March 2023
