काठमाडौँ, चैत ८ । बजारमा आज सुनको मूल्य तोलामा २ हजार रुपैयाँले घटेको छ । चाँदीको मूल्य पनि यस दिन ओरालो लागेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ७ हजार ८०० रुपैयाँ र तेजाबी सुन प्रतितोला एक लाख ७ हजार ३०० रुपैयाँमा झरेको छ ।
विश्व बजारमा पनि सुनको भाउ घटेकाले नेपाली सुनबजारमा पनि यसको प्रभाव परेको हो । मंगलबार भने सुनको मूल्य वृद्धि भएको थियो । हिजो सुन तोलामा ५०० रुपैयाँले महंगिदा प्रतितोला एक लाख ९ हजार ८०० रुपैयाँ पुगेको थियो ।
आज चाँदी तोलामा पाँच रुपैयाँले घट्दा प्रतितोला एक हजार ३ सय ३५ रुपैयाँमा खरिदबिक्री हुँदैछ ।
अघिल्लो कारोबार दिन, चाँदी तोलामा १० रुपैयाँले उकालो लागेको थियो । सो दिन चाँदी प्रतितोला एक हजार ३४० रुपैयाँमा कारोबार भएको थियो ।
Published Date: 22 March 2023
