काठमाडौं, फागुन ३० । वीर अस्पतालले विना विदा अनुपस्थित रहेको भन्दै पाँच कर्मचारी नर्सलाई सेवाबाट बर्खास्त गरेको छ । सेवाबाट हटाइएकामा पाँचौं कक्षामा कार्यरत सुशीला ढकाल, शान्ति लम्साल, सम्झना श्रेष्ठ, जमुना सिटौला र ओमदेवी पुन रहेका छन् ।
अस्पताललाई जानकारी नदिई बिदामा गएको र अस्पतालले सूचना जारी गरे पनि सम्पर्कविहीन रहेको भन्दै उनीहरुलाई बर्खास्त गरिएको अस्पताल प्रशासनले जनाएको छ । ३० दिनभित्र सम्पर्क गर्न सूचना दिए पनि अस्पताल प्रशासनसँग सम्पर्कमा नआएका पाँच जनालाई सेवाबाट हटाइएको अस्पतालले जनाएको छ ।
Published Date: 14 March 2023
