काठमाडौं, फागुन ३० । आज देशका पहाडी र तराईका केही स्थानमा हल्का वर्षाको सम्भावना रहेको छ । हाल देशमा स्थानीय वायु र पश्चिमी वायुको सामान्य प्रभाव रहेको छ । जसका कारण आज बिहान देशका पहाडी तथा हिमाली भेगका केही स्थानमा आंशिकदेखि सामान्य वर्षा भएको जल तथा मौसम विज्ञान विभागले जनाएको छ । तराईमा मौसम सामान्यतया सफा हुन्छ।
आज दिउँसो देशका पहाडी भूभागमा आंशिकदेखि सामान्य बदली रही बाँकी भूभागमा आंशिक बदली रहने महाशाखाले जनाएको छ । देशका पहाडी भूभागका थोरै स्थानहरुमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।
त्यसैगरी तराईका एक–दुई स्थानमा मेघगर्जन र चट्याङसहित हल्का वर्षाको सम्भावना रहेको छ । महाशाखाका अनुसार आज राति देशका पहाडी भूभागमा आंशिकदेखि सामान्य वर्षा हुनेछ । बाँकी भूभागमा आंशिक बदली रही बाँकी भूभागमा मौसम सामान्यतया सफा रहनेछ।
महाशाखाका अनुसार आज राति कोशी, वाग्मती र गण्डकी प्रदेशका पहाडी भू–भागका थोरै स्थानहरुमा मेघगर्जन र चट्याङसहित हल्का वर्षाको सम्भावना रहेको छ ।
Published Date: 14 March 2023
