काठमाडौं, फागुन २८ । इलाका प्रहरी कार्यालय महेन्द्रनगरको हिरासतबाट फरार भएका ६ मध्ये थप एक जना पक्राउ परेका छन् ।
पक्राउ पर्नेमा मिथिला नगरपालिका–६ बस्ने ३६ वर्षीय शंकर महतो रहेको जिल्ला प्रहरी कार्यालय धनुषाका प्रवक्ता डीएसपी वेदप्रसाद गौतमले जानकारी दिए । हतियार तथा लागुऔषध मुद्दामा पक्राउ परेका महतो माघ १६ गते राति प्रहरी हिरासतको पर्खाल तोडेर फरार भएका थिए ।
प्रहरीका अनुसार मधेस प्रदेश प्रहरी कार्यालय जनकपुर र जिल्ला प्रहरी कार्यालय धनुषाको प्रहरी टोलीले शनिबार राति पर्साको वीरगन्ज महानगरपालिका–१६ इनरुवाको सीमा नाकाबाट गोप्य रुपमा भारततर्फ जाँदै गरेको अवस्थामा महतोलाई पक्राउ गरेको हो ।
माघ १६ गते प्रहरी हिरासत कोठाको पर्खाल तोडेर ६ जना थुनुवा फरार भएका थिए । यसअघि प्रहरीले चार जनालाई पक्राउ गरेको थियो भने एक जना अझै फरार छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
