काठमाडौं, फागुन २७ । श्री एयरलाइन्सले आफ्नो उडान सेवा सुचारु गरेको छ । नेपाल नागरिक उड्डयन प्राधिकरण (क्यान)ले उक्त एयरलाइन्सका सम्पूर्ण जहाज उडानका लागि पूर्ण रूपमा सुरक्षित रहेको र पुनः उडान सञ्चालन गर्न अनुमति दिएको जनाएको छ ।
बिहीबार बिहान काठमाडौंबाट भैरहवाका लागि उडेको विमानको दायाँ इन्जिनमा आगो देखिएपछि प्राधिकरणले शुक्रबार बिहानै एयरलाइन्सका सबै विमानलाई ग्राउण्डेड गरेको थियो ।
प्राधिकरणले प्राविधिक निरीक्षण, इन्जिनियरिङ, सञ्चालन सुरक्षा र कम्पनीको आर्थिक स्थिति र प्रशासनिक अवस्थाको विस्तृत अध्ययन गरी उडान भर्न पूर्णरूपमा सुरक्षित भएकाले प्राधिकरणले पुनः सेवा सञ्चालन गर्न अनुमति दिएको एयरलाइन्सले शुक्रबार एक विज्ञप्ति जारी गर्दै जनाएको छ ।
