काठमाडौं, फागुन २७ । एजेन्सी – अर्जेन्टिनी फरवार्ड लोउटारो मार्टिनेज पेनाल्टीमा चुक्दा इन्टर मिलानले इटालियन सिरी ‘ए’ मा स्पेजियासँग हार बेहोरेको छ । इन्टर घरेलु टोली स्पेजियासँग २–१ ले पराजित भएको हो ।
घरेलु टोली स्पेजियाको जितमा ड्यानियल माल्दिनी र एमबाला एनजोलाले गोल गरे । इन्टरका रोमेलु लुकाकुले एक गोल फर्काए ।
स्पेजियामा शुक्रबार राति भएको खेलको १४औं मिनेटमा लोउटारो मार्टिनेज पेनाल्टीमा चुक्दा इन्टर मिलान अग्रता लिनबाट चुक्यो ।
माटिया कालडाराले पेनाल्टी बक्समा ड्यानियल डि एमब्रुसोमाथि अनावश्यक च्यालेन्ज गरेपछि रेफ्रीले भिएआरको सहायता लिदै इन्टरलाई पेनाल्टी प्रदान गरेको थियो । तर, मार्टिनेजको पेनाल्टीलाई स्पेजियाका गोलरक्षक बार्टलोमिज ड्रागोस्कीले बचाए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
