मुम्बई, फागुन २३ । बलिउड अभिनेत्री करीना कपूर खान दुई छोराकी आमा हुन् । हुन त अभिनयमार्फत आफ्नै बेग्लै छवि बनाउन सफल करीनालाई अभिनेता सैफ अली खानको धर्मपत्नीको रुपमा समेत चिनिन्छ ।
यसैबीच, अभिनेत्री कपूरको एउटा विगतका बारेमा रोचक प्रसंग सार्वजनिक भएको छ । सैफ अली खानसंग प्रेम विवाह हुनुअघि उनको नाम अभिनेता शाहिद कपूरसंग मात्र जोडिएको मानिएको थियो । त्यसअघि शाहिद कपूरभन्दा अघि पनि करीनाको जीवनमा एक जना पुरुष आइसकेको बताइएको छ ।
ती पुरुषको नाम विक्की निहलानी भएको भारतीय सञ्चार माध्यमले उल्लेख गरेका छन् । करीनालाई पनि विक्की निकै मन पथ्र्यो र उनी विक्कीलाई आफ्नो सोलमेट मान्थिन् । यसबारेमा करीनाले २००३ मा दिएको एउटा अन्र्तवार्ताका क्रममा आफैंले बताएकी थिइन् ।
करीनाले भनेकी थिइन् – ‘विक्की र म सोलमेट जस्तै हौ । विक्की सधैँ मसंगै हुन्छ । विक्की मेरो पहिलो प्रेम हो । विक्कीसंग मेरो १३ वर्षको उमेरमै प्रेम सम्बन्ध गाँसिएको हो । त्यो उमेरमा मैले आफ्नो भविष्यको बारेमा सोचेको थिइन । त्यो समय प्रेमका लागि निकै छिट्टो थियो, त्यसैले पढाइ तथा करियरमा ध्यान दिनु आवश्यक थियो तर हामी एकसाथ थियौँ ।’
विक्की निहलानी पनि एक अभिनेता हुन् । उनले फिल्म ‘आज के शहंशाह’ मा काम गरेका थिए । उनी फिल्म निमार्ता पहलाज निहलानीका छोरा हुन् । केहि समयपछि विक्की र करीनाको ब्रेकअप भयो । विक्कीले इटालीमा बसोबास गर्ने एक यूवतीसंग विवाह गरे । तर केहि समयपछि ती यूवतीको मृत्यु भयो ।
विक्कीपछि करीनाले शाहिद कपूरसंग डेट गर्न थालिन् । तर शाहिदसंग केहि वर्षको डेटपछि उनीहरुको पनि बे्रकअप भयो । त्यसपछि करीना सैफ अली खानसंगको प्रेममा परिन् । करीनाले सन् २०१२ मा सैफ अली खानसंग विवाह गरिन् । अहिले उनी दुई छोरा तैमूर र जेह अली खानकी आमा बनेकी छिन् । करीना र सैफ फिल्म ‘टशन’ को सेटमा नजिक भएका थिए ।
