काठमाडौं, फागुन २३ । स्थानीय बजारमा आज सुनको मूल्य तोलामा तीन सय रुपैयाँले घटेको छ । आज छापावाल सुनको प्रतितोला मूल्य १ लाख २ हजार ५ सय रुपैयाँ तोकिएको छ । फागुन २१ गते प्रतितोला १ लाख २ हजार ८ सयमा बिक्री भएको थियो ।
त्यस्तै, गत फागुन २१ गते प्रतितोला १ लाख २ हजार ३ सयमा बिक्री भएको तेजावी सुन आज प्रतितोला १ लाख २ हजारमा कारोबार भइरहेको छ ।
यसैबीच, चाँदीको मूल्य पनि आज तोलामा १० रुपैयाँले घटेर प्रतितोला १ हजार २ सय ६५ रुपैयाँ पुगेको छ ।
