काठमाडौं, फागुन १९ । काठमाडौं महानगरपालिकाले पशुपति क्षेत्रमा रहेका सबै अनधिकृत संरचना हटाउन २४ घण्टाको अल्टिमेटम दिएको छ ।
कामनपाको टोलीले पशुपति क्षेत्रमा अतिक्रमित संरचनाको निरीक्षण गरेपछि ती संरचना हटाउन निर्देशनसहित अल्टिमेटम दिएको पशुपति क्षेत्र विकास कोषका प्रवक्ता रेवतीरामन अधिकारीले जानकारी दिए । उनले भने, ‘महानगरले हामीलाई औपचारिक रूपमा जानकारी गराएको छैन, तर अतिक्रमित संरचना हटाउन २४ घण्टाको अल्टिमेटम दिएको सुनेका छौं ।
महानगरपालिकाका अनुसार गौशाला धर्मशालाको नाममा वार्षिक ५० हजार भाडामा १० रोपनी जग्गा प्याडिटीबाट सञ्चालन भईरहेको पाइएको छ ।
त्यस्तै, महानगरपालिकाको अनुगमनका क्रममा पशुपति क्षेत्रमा २० भन्दा बढी शटर दर्ताविना सञ्चालन भएको पाइएको छ । धर्मशालाले नक्सा पासविना संरचना बनाएको पाइएपछि कामनपाले त्यस्ता संरचना हटाउने बताएको छ ।
Published Date: 03 March 2023
