काठमाडौं, फागुन १७ । राष्ट्रिय स्वतन्त्र पार्टीले सातवटै प्रदेशमा प्रदेश कमिटी गठन गरेको छ । समिति गठनसँगै पार्टीले कार्यविभाग पनि तोकेको छ ।
पार्टीले प्रदेश १ को अध्यक्षमा राजेश तिम्सिना, मधेश प्रदेश अध्यक्षमा तपेश्वर यादव र वाग्मती प्रदेश अध्यक्षमा अच्युतम लामिछानेलाई तोकेको छ ।
त्यसैगरी, पार्टीले गण्डकी प्रदेशमा राजन गौतम, लुम्बिनी प्रदेशमा देवराज पाठक, कर्णाली प्रदेशमा धिरजबहादुर वली र सुदूरपश्चिम प्रदेशमा प्रकाश विष्टलाई मनोनयन गरेको रासपा स्रोतले जनाएको छ ।
