बुधबार सेयरबजार परिसूचक नेप्से स्थिर

बुधबार सेयरबजार परिसूचक नेप्से स्थिर : Icon Khabar

काठमाडौं, भदौ ३ । साताको तेस्रो कारोबार दिन बुधबार सेयरबजार परिसूचक नेप्से स्थिर रहेको छ । बुधबार नेप्से ०.२६ अंकको झिनो सुधार भई २ हजार ६२२.२२ विन्दुमा कायम भएको हो । आज सेयरबजारमा ‘क’ वर्गका कम्पनीहरुको कारोबार मापक सेन्सेटिभ इण्डेक्स्मा पनि सामान्य गिरावट आएको छ ।

आज सेयरबजारमा ३४६ कम्पनीका सेयर कारोबार भएका छन् । यी मध्ये ११० कम्पनीका सेयरमूल्य बढेका छन् भने १५० कम्पनीका सेयरमूल्यमा गिरावट आएको छ । अठार कम्पनीका सेयरमूल्य भने स्थिर रहेका छन् । आज कुल ९५ लाख ४ हजार १२० कित्ता सेयर ४२ हजार ७०९ कारोबारबाट ३ अर्ब २९ करोड ५८ लाख ५० हजार रुपैयाँमा किनबेच भएको छ । कारोबार रकम मंगलबारको तुलनामा ३५ प्रतिशतले कमी हो ।

आज सेयरबजारमा सूचीकृत समूहमध्ये वाणिज्य बैंक, जलविद्युत, निर्जीवन बीमा, व्यापार तथा अन्य समूहका परिसूचक सकारात्मक रहेका छन् । सबैभन्दा धेरै व्यापार समूहको परिसूचक ०.७६ प्रतिशतले बढेको छ । विकास बैंक, वित्त, होटेल तथा पर्यटन, लगानी, जीवन बीमा, उत्पादनशील तथा प्रशोधन, लघुवित्त तथा म्युचुअल फण्ड समूहका परिसूचक भने ओरालो लागेका छन् । सबैभन्दा धेरै होटेल तथा पर्यटन समूहको परिसूचक ०.३८ प्रतिशतले झरेको छ ।

माउण्ट एभरेष्ट पावर डेभलपमेन्ट लिमिटेड, सर्वोत्तम पेन्ट्स इण्ड्रष्टिज, आरवीवी म्युचुअल फण्ड, लक्ष्मी बैंकको डिवेञ्चरमा लगानीकर्ता तथा एनसीसी डिवेञ्चरमा लगानीकर्ताले सबैभन्दा बढी कमाएका छन् । सबैभन्दा बढी गुमाउनेमा भने मनकामना इञ्जिनियरिङ् हाइड्रोपावर, सनराईज ब्लुचिप फण्ड, रिज लाईन इनर्जी, ग्रीन डेभलपमेन्ट बैंक तथा मञ्जुश्री फाइनान्स लिमिटेडका डिवेञ्चरमा लगानीकर्ता रहेका छन् ।

कारोबार रकमका आधारमा साहस उर्जा लिमिटेड अग्रस्थानमा रहेको छ । यस कम्पनीको १७ करोड ५२ लाख ८२ हजार रुपैयाँ बराबरका सेयर किनबेच भएको छ । यस्तै, कारोबार भएको सेयर संख्याको आधारमा एनएमवी हाइब्रीड फण्ड पहिलो स्थानमा छ । यस कम्पनीको ६ लाख १६ हजार ८८० कित्ता सेयर कारोबार भएको छ ।

Published Date: 19 August 2026
Website | + posts




ताजा
सुन र चाँदीको मूल्यमा भारी गिरावट, एकैदिन सुन तोलामा ६ हजार ३०० रुपैयाँले घट्यो
‘वाक ग्रिन, किप इट क्लिन’ नारासहित बोकाचो गढीमा मिस्टर एण्ड मिस मोडर्नको पदयात्रा
आजदेखि काठमाडौं उपत्यकाका तीन जिल्लामा पशु वधशाला तथा मासु जाँच ऐन लागू
फाइनल यात्राका लागि लुम्बिनी र सुदूरपश्चिमबीच महासंग्राम, पहिलो क्वालिफायरमा कसले मार्ला बाजी?


ट्रेन्डिङ
एउटै उपत्यका, तिहार मनाउने फरक–फरक मिति : भक्तपुर, काठमाडौं र ललितपुरमै किन मिलेन पर्वको साइत ?
भक्तपुरमा कार्तिक २२ गते लक्ष्मी पूजा, २३ गते म्हः पूजा र २४ गते किजा पूजा मनाइने
भिन्तुनाको नाममा विकृति कि उत्सव? टौमढीमा पटाका पड्किएपछि प्रशासनमाथि प्रश्नैप्रश्न
भक्तपुरमा लागूऔषधसहित दुई जना पक्राउ