काठमाडौँ, असार ३१ । सेयरबजार परिसूचक नेप्से दोहोरो अंकले बढेको छ । बुधबार नेप्से १४ अंकले बढेर २ हजार ५९०.२९ विन्दुमा कायम भएको हो । आज सेयरबजारमा ३६२ कम्पनीका सेयर कारोबार भएका छन् । यी मध्ये १९१ कम्पनीका सेयरमूल्य बढेका छन् भने ६४ कम्पनीका सेयरमूल्यमा गिरावट आएको छ ।
आज कुल ८४ लाख ६९ हजार ११० कित्ता सेयर ४ अर्ब १६ करोड ४३ लाख ३४ हजार रुपैयाँमा किनबेच भएको छ । कारोबार रकम मंगलबारको तुलनामा ५१ प्रतिशतले कमी हो । आज सेयरबजारमा सूचीकृत समूहमध्ये लगानी समूहको परिसूचकमा गिरावट आएको छ भने म्युचुअल फण्ड समूहको परिसूचक स्थिर रहेको छ ।
अरु बाँकी सबै समूहका परिसूचक सकारात्मक रहेका छन् । सबैभन्दा धेरै विकास बैंक समूहका परिसूचक १.३७ प्रतिशतले बढेको छ । एनएमवी डिवेञ्चर, नारायणी डेभलपमेन्ट बैंक तथा थ्रीस्टार हाइड्रोपावर कम्पनीका सेयरधनीले सबैभन्दा बढी कमाएका छन् । सबैभन्दा बढी गुमाउनेमा भने उपकार लघुवित्त वित्तीय संस्था, एनआईविएल स्टेवल फण्ड तथा एनआईसी एसिया सेलेक्ट फण्डका सेयरधनी रहेका छन् ।
Published Date: 15 July 2026
