हनुमन्ते, मनोहरा र खसाङ–खुसुङ खोलाको अतिक्रमित बहाव क्षेत्र खाली गराउन सरकारसँग रंजितको माग

काठमाडौं, असार ३० । प्रतिनिधिसभा सदस्य रुकेश रंजितले हनुमन्ते, मनोहरा र खसाङ–खुसुङ खोलाको अतिक्रमित बहाव क्षेत्र तत्काल खाली गराउन सरकारसँग माग गरेका छन्।

प्रतिनिधिसभाको आजको बैठकमा बोल्दै उनले हरेक वर्ष दोहोरिने बाढी–पहिरोबाट हुने क्षति रोक्न दीर्घकालीन नीति र प्रभावकारी कार्यान्वयन आवश्यक रहेको बताए।

रंजितले वर्षासँगै सरकारका प्रतिबद्धता पनि हराउने गरेको टिप्पणी गर्दै नदी तथा खोलाको बहाव क्षेत्र संरक्षण र अतिक्रमण हटाउन तत्काल कदम चाल्न सरकारको ध्यानाकर्षण गराएका छन्।