काठमाडौँ, असार २९ । सेयरबजार परिसूचक नेप्से छब्बिस सय बिन्दुबाट तल झरेको छ । आज नेप्से ३०.६० अंकले घटेर २ हजार ५७०.१८ विन्दुमा कायम भएको हो । आज सेयरबजारमा ३६८ कम्पनीका सेयर कारोबार भएको छन् । यी मध्ये २२ कम्पनीका सेयरमूल्य बढेका छन् भने २४९ कम्पनीको सेयरमूल्यमा गिरावट आएको छ ।
आज कुल ४ करोड १७ लाख २५ हजार ३२३ कित्ता सेयर ७ अर्ब ४६ करोड ८४ लाख १६ हजार रुपैयाँमा किनबेच भएको छ । कारोबार रकम शुक्रबारको तुलनामा ९ प्रतिशतले बढी हो । आज सेयरबजारमा सूचीकृत सबै समूहका परिसूचक नकारात्मक रहेका छन् । सबैभन्दा धेरै व्यापार समूहको परिसूचक २.३० प्रतिशतले घटेको छ ।
सामुदायिक लघुवित्त वित्तीय संस्था, सिटिजन बैंकको डिवेञ्चरमा लगानीकर्ता तथा आत्मनिर्भर लघुवित्त वित्तीय संस्थाका सेयरधनीले सबैभन्दा बढी कमाएका छन् । सबैभन्दा बढी गुमाउनेमा भने उपकार लघुवित्त वित्तीय संस्था, वुद्धभूमि नेपाल हाइड्रोपावर कम्पनी तथा दिव्यश्वरी हाइड्रोपावर कम्पनीका सेयरधनी रहेका छन् ।
Published Date: 13 July 2026
