काठमाडौँ, असार २२ । साताको पहिलो कारोबार दिन सोमबार सेयरबजार परिसूचक नेप्सेमा गिरावट आएको छ । आज नेप्से २६.२९ अंकले घटेर २ हजार ६२७.११ विन्दुमा कायम भएको हो । आज सेयरबजारमा ३५६ कम्पनीका सेयर कारोबार भएका छन् ।
ती मध्ये ३४ कम्पनीका सेयरमूल्य बढेका छन् भने २३९ कम्पनीका सेयरमूल्यमा गिरावट आएको छ । आज कुल ७५ लाख ४० हजार ४१८ कित्ता सेयर ३ अर्ब ५५ करोड ७९ लाख ८१ हजार रुपैयाँमा किनबेच भएको छ । आज सेयरबजारमा सूचीकृत सबै समूहका परिसूचक ओरालो लागेका छन् ।
सबैभन्दा धेरै व्यापार समूहको परिसूचक ३.१५ प्रतिशतले घटेको छ । स्नो रिभर्स लिमिटेड, सानीगाड हाइड्रो लिमिटेड तथा कालङुगा हाइड्रो लिमिटेडका सेयरधनीले सबैभन्दा बढी कमाउका छन् । सबैभन्दा बढी गुमाउनेमा भने थ्री स्टार हाइड्रोपावर लिमिटेड, नेपाल फाइनान्स तथा खानीखोला हाइड्रोपावर लिमिटेडका सेयरधनी रहेका छन् ।
Published Date: 06 July 2026
