काठमाडौं, असार २२ । प्रतिनिधिसभाको आज बसेको बैठकमा भक्तपुर जिल्ला निर्वाचन क्षेत्र नं. १ का सांसद रुकेश रंजितले कोटेश्वर क्षेत्रमा दिनहुँ हुने ट्राफिक जाम र सवारी चापको समस्या उठाउँदै यसको दीर्घकालीन समाधानका लागि सरकारको ध्यानाकर्षण गराएका छन्।
रंजितले कोटेश्वरको ट्राफिक व्यवस्थापनलाई प्रभावकारी बनाउन फ्लाईओभर र अण्डरपास निर्माण प्रक्रिया तत्काल अगाडि बढाउन सरकारसँग माग गरेका छन्।
उनले कोटेश्वरको ट्राफिक जामका कारण सर्वसाधारण, विद्यार्थी, कर्मचारी तथा व्यवसायीले दैनिक रूपमा सास्ती खेप्नुपरेको उल्लेख गर्दै समस्या समाधानका लागि सरकारले प्राथमिकताका साथ आवश्यक पहल गर्नुपर्ने बताएका छन्।
Published Date: 06 July 2026
