काठमाडौ, असार १८ । सेयरबजार परिसूचक नेप्सेमा सुधार आएको छ । बिहीबार नेप्से परिसूचक ८.७८ अंकले बढेर २ हजार ६६१.७१ विन्दुमा कायम भएको छ । आज सेयरबजारमा ३५९ कम्पनीका सेयर कारोबार भएका छन् । यी मध्ये १०८ कम्पनीका सेयरमूल्य बढेका छन् भने १५२ कम्पनीका सेयरमूल्यमा गिरावट आएको छ ।
आज कुल ८९ लाख ६४ हजार २२३ कित्ता सेयर ४ अर्ब ११ करोड ७७ लाख ८६ हजार रुपैयाँमा किनबेच भएको छ । कारोबार रकम बुधबारको तुलनामा ७ प्रतिशतले बढी हो । आज सेयरबजारमा सूचीकृत समूहमध्ये वाणिज्य बैंक, वित्त, जीवन बीमा, लघुवित्त तथा म्युचुअल फण्ड समूहका परिसूचक सकारात्मक रहेका छन् ।
विकास बैंक, होटेल तथा पर्यटन, जलविद्युत, लगानी, उत्पादनशील तथा प्रशोधन, निर्जीवन बीमा, व्यापार तथा अन्य समूहका परिसूचक भने ओरालो लागेका छन् । अपर लोहोरे खोला हाइड्रोपावर कम्पनी, कालङ्गा हाइड्रो तथा स्नो रिभर्स लिमिटेडका सेयरधनीले सबैभन्दा बढी कमाएका छन् ।
सबैभन्दा बढी गुमाउनेमा भने एनआईसी एसियाको डिवेञ्चरमा लगानीकर्ता, भुजुङ हाइड्रोपावर लिमिटेड तथा सामुदायिक लघुवित्त वित्तीय संस्ताका सेयरधनी रहेका छन् ।
Published Date: 02 July 2026
