काठमाडौं, असार ९ । कृषि विभागका अनुसार असार ८ गतेसम्म देशभर जम्मा ४.२ प्रतिशतमात्रै धान रोपाइँ भएको छ। त्यसमा पनि देशको अन्न भण्डार मानिने मधेस प्रदेश र लुम्बिनी प्रदेशमा अझै रोपाइँ सुरु भएको छैन।
विभागका प्रवक्ता राजेन्द्र कोइरालाका अनुसार अहिलेसम्म ६ हजार ७ हेक्टरमा रोपाइँ भएको छ । नेपालको कुल रोपाइँ हुनुपर्ने क्षेत्रफल १३ लाख ८८ हजार ६३५ हेक्टर हो।
उनले भने, ‘प्रदेशगत रुपमा सबैभन्दा बढी रोपाइँ कर्णाली प्रदेशमा भएको छ। कर्णालीमा असार ८ गतेसम्म २२.८ प्रतिशत रोपाइँ सकिएको छ। कर्णालीमा कम क्षेत्रफलमा रोपाइँ हुने र खोला र मूलको पानीले नै रोप्ने हुँदा रोपाइँको प्रगति राम्रो देखिएको हो। सुदूरपश्चिचमा ९.४, गण्डकीमा ८.४, कोसीमा ८.३ र बागमतीमा ३.२ प्रतिशत रोपाइँ भएको छ । मधेश र लुम्बिनीको तथ्यांक प्राप्त भएको छैन।’
कृषि विभागले सार्वजनिक गरेको दुई वर्षको तथ्यांक हेर्दा यस वर्ष विगतको तुलनामा निकै न्यून रोपाइँ भएको देखिन्छ। गत वर्ष असार ८ गतेसम्म १३.३ प्रतिशत रोपाइँ भएको थियो भने २०८१ मा ९.८ प्रतिशत रोपाइँ सम्पन्न भएको थियो।
ग वर्ष असार १५ गतेसम्म २०.३ प्रतिशत रोपाइँ भएको थियो भने २०८१ मा २१.३ प्रतिशत रहेको थियो। यस वर्ष भने एल नीनोका कारण देशभर पानी नपर्दा धान रोपाइँ कम भएको छ भने तराईमा अझै सुरु भएको छैन।
Published Date: 23 June 2026
