काठमाडौँ, असार ४ । सेयरबजार परिसूचक नेप्से २७ सय विन्दुमा झरेको छ । आज नेप्से ५.०६ अंकले घटेर २ हजार ७००.४७ विन्दुमा कायम भएको हो । आज सेयरबजारमा ३४७ कम्पनीका सेयर कारोबार भएका छन् । यी मध्ये ७७ कम्पनीका सेयरमूल्य बढेका छन् भने १८१ कम्पनीका सेयरमूल्यमा गिरावट आएको छ ।
आज कुल ७७ लाख ४३ हजार ३० कित्ता सेयर ३ अर्ब ४१ करोड ४८ लाख २४ हजार रुपैयाँमा किनबेच भएको छ । कारोबार रकम बुधबारको तुलनामा ६ प्रतिशतले कमी हो । आज सेयरबजारमा सूचीकृत समूहमध्ये वाणिज्य बैंक, वित्त, लघुवित्त, म्युचुअल फण्ड तथा व्यापार समूहको परिसूचक सकारात्मक रहेका छन् ।
विकास बैंक, होटेल तथा पर्यटन, जलविद्युत, लगानी, जीवन बीमा, उत्पादनशील तथा प्रशोधन, निर्जीवन बीमा तथा अन्य समूहको परिसूचकमा गिरावट आएको छ । एपोलो हाइड्रोपावर, सोपान फर्मास्युटिकल्स् तथा आत्मनिर्भर लघुवित्त वित्तीय संस्थाका सेयरधनीले सबैभन्दा बढी कमाएका छन् । सबैभन्दा बढी गुमाउनेमा भने प्रभु बैंकका डिवेञ्चरमा लगानीकर्ता, ग्लोवल आईएमई ब्यालेन्स् फण्ड तथा आँखुखोला जलविद्युत कम्पनीका लगानीकर्ता रहेका छन् ।
Published Date: 18 June 2026
