काठमाडौं, वैशाख १७ । सन् २०२६ को वसन्त ऋतुको सगरमाथा आरोहणका लागि क्याम्प–२ सम्मको बाटो बनाउने काम सम्पन्न भएको पर्यटन विभागले जनाएको छ।
सगरमाथा प्रदूषण नियन्त्रण समिति (एसपीसीसी) र पर्वतारोहण सञ्चालक संघको समन्वयमा आरोहणको लागि दोस्रो आधार सिविरसम्म रोप फिक्सिङको सम्पन्न भएको हो ।
मार्च १६ तारिखमा आईसफल डक्टर्स र शेर्पाहरुको टोलिले हिमालको पूजा गरि रोप फिक्सिङको काम सुरु गरेका थिए । खराब मौसम र हिमपातका कारण यस वर्ष रोप फिक्सिङको काम केहि दिन ढिला गरि सुरु भएको थियो ।
जलवायु परिवर्तनका कारण हिमालको हिउँ पग्लीन थालेपछि पछिल्ला वर्षहरुमा सगरमाथा लगायत मुख्य हिमालहरु रोप फिक्सिङको काम जटिल बन्दै गएको छ । यस वर्ष पनि खुम्बु आईसफल क्षेत्रमा रहेको ठूलो अस्थिर आइस सेराकका करण बाटो निमार्णमा कठिनाई भएको थियो ।
आईसफल डक्टर्स र शेर्पाहरुको टोलिले अप्रिल २७ तारिखमा आधार शिविरदेखि क्याम्प १ सम्मको चुनौतीपूर्णबाटोको काम सम्पन्न गरेका थिए ।
