काठमाडौँ, वैशाख १७ । सेयरबजार परिसूचक नेप्सेमा आज पनि गिरावट आएको छ । आज नेप्से ५.७३ अंकले घटेर २ हजार ७३८.७२ विन्दुमा कायम भएको हो ।
आज सेयरबजारमा ३४६ कम्पनीका सेयर कारोबार भएका छन् । यी मध्ये ९८ कम्पनीका सेयरमूल्य बढेका छन् भने १६१ कम्पनीका सेयरमूल्यमा गिरावट आएको छ ।
आज कुल १ करोड ९ लाख ७७ हजार ७८३ कित्ता सेयर ४ अर्ब ९१ करोड ६६ लाख २७ हजार रुपैयाँमा किनबेच भएको छ । कारोबार रकम बुधबारको तुलनामा १.३९ प्रतिशतले कमी हो । आज सेयरबजारमा सूचीकृत समूहमध्ये वाणिज्य बैंक र उत्पादनशील तथा प्रशोधन समूहका परिसूचक मात्रै सकारात्मक रहेका छन् ।
अरु बाँकी सबै समूहका परिसूचक ओरालो लागेका छन् । सबैभन्दा धेरै अन्य समूहको परिसूचक ०.९७ प्रतिशतले घटेको छ । श्रीनगर एग्रिटेक इन्ड्रष्टिज, शिखर पावर डेभलपमेन्ट लिमिटेड तथा एसियन हाइड्रो पावर लिमिटेडका सेयरधनीले सबैभन्दा बढी कमाएका छन् ।
सबैभन्दा बढी गुमाउनेका भने कर्पोरेट डेभलपमेन्ट बैंक, माइखोला हाइड्रोपावर लिमिटेड तथा नविल बैंकको डिवेञ्चरमा लगानीकर्ता रहेका छन् ।
Published Date: 30 April 2026
