भक्तपुर, वैशाख ३ । भक्तपुर नगरपालिका वडा नं. ६ स्थित चोछेंमा भोलि हुने छुमा गणेश जात्रालाई लक्षित गर्दै आज बिहान चोछें क्षेत्रमा सरसफाई कार्यक्रम सम्पन्न भएको हो। उक्त कार्यक्रम स्थानीय टोलबासीको सक्रिय सहभागितामा सञ्चालन गरिएको थियो।
कार्यक्रममा वडा नं. ६ का वडाअध्यक्ष डा. हरिराम सुवाल, नगर कार्यपालिका सदस्य रोशन मैया सुवाल, वडा सदस्य गोविन्द दुवाल लगायतका जनप्रतिनिधिहरूको उपस्थिति रहेको थियो। साथै स्थानीय दाजुभाइ तथा दिदीबहिनीहरूको सहभागिताले चोछें टोल सफा गरिएको हो।
छुमा गणेशको जात्रा भोलि वैशाख ४ गते अपरान्हदेखि सुरु हुनेछ।
