भक्तपुर, चैत २७ । सूर्यविनायक नगरपालिका अन्तर्गत रहेका सामुदायिक तथा संस्थागत विद्यालयहरूको आधारभूत तह (कक्षा ८) को परीक्षाको नतिजा सार्वजनिक गरिएको छ।
नगर उपप्रमुख सरिता तिमसिना भट्टराईज्यूको संयोजकत्वमा गठित परीक्षा समितिबाट सञ्चालन गरिएको उक्त परीक्षामा जम्मा १६७१ विद्यार्थी इमिस मार्फत दर्ता भएका थिए भने १६३० जनाले मात्र परीक्षा फाराम भरेका थिए। तीमध्ये जम्मा १६२५ जना विद्यार्थी मात्र परिक्षामा सहभागी भएका थिए।
नतिजा अनुसार १२३० जना विद्यार्थी उत्तीर्ण (ग्रेडेड) भएका छन्, जुन कुल सहभागीमध्ये ७५.६९ % हो। त्यस्तै ३९५ जना विद्यार्थी अनुत्तीर्ण (नन-ग्रेडेड) भएका छन्, जुन २४.३० % रहेको छ।
नगर उपप्रमुखको संयोजकत्वमा सञ्चालन भएको यस परीक्षाको नतिजा समग्रमा सन्तोषजनक रहेको जनाइएको छ। साथै, अनुत्तीर्ण विद्यार्थीहरूको शैक्षिक स्तर सुधारका लागि पुन परिक्षा सञ्चालन गर्ने तयारी गरिएको छ।
