भक्तपुर, चैत २५ । नेपाल प्रहरीले लागूऔषध कारोबारविरुद्धको अभियानअन्तर्गत भक्तपुरमा दुई जनालाई ब्राउन सुगरसहित पक्राउ गरेको छ।
मिति २०८२ साल पौष २४ गते बेलुका करिब १८:३० बजे जिल्ला प्रहरी परिसर भक्तपुर बाट खटिएको प्रहरी टोलीले सूर्यविनायक नगरपालिका वडा नं. ६ पाण्डुबजार स्थित एक चिया पसलमा छापा मार्दा ६.७१ ग्राम ब्राउन सुगरसहित उनीहरूलाई नियन्त्रणमा लिएको हो।
पक्राउ पर्नेहरूमा मण्डन देउपुर नगरपालिका वडा नं. ६ घर भई हाल काठमाडौं बौद्ध बस्दै आएका ३० वर्षीय राजकुमार तामाङ र सूर्यविनायक नगरपालिका वडा नं. ९ नलिञ्चोक घर भई हाल पाण्डुबजार बस्दै आएका ३७ वर्षीय प्रणय के.सी. रहेका छन्।
प्रहरीका अनुसार लागूऔषध किनबेच भइरहेको भन्ने गोप्य सूचनाको आधारमा उक्त अपरेशन सञ्चालन गरिएको हो। घटनाबारे थप अनुसन्धान भइरहेको जिल्ला प्रहरी परिसर भक्तपुर ले जनाएको छ।
Published Date: 08 April 2026
