काठमाडौं, चैत २२ । सरकारले एसियाली विकास बैंक र विश्व बैंकबाट विभिन्न कार्यक्रम गर्न १८५ मिलियन अमेरिकी डलर अर्थात् करिब २७ अर्ब ७५ करोड रुपैयाँ ऋण लिने भएको छ ।
आइतबार बसेको मन्त्रिपरिषद् बैठकले एडीबीबाट डिजिटल नेपाल ट्रान्सफर्मेसन प्रोजेक्टको लागि ४० मिलियन डलर र विश्व बैंकबाट ५० मिलियन गरी ९० मिलियन सहुलियत ऋण सहयोग लिने निर्णय गरेको हो ।
यसैगरी सरकारले दिगो र समावेशी वित्त परियोजनाका लागि विश्व बैंकबाट थप ९५ मिलियन अमेरिकी डलर ऋण सहयोग लिने निर्णय गरेको छ ।
