भक्तपुर, चैत १८ । नेपाल विद्युत प्राधिकरणले माध्यमिक शिक्षा परीक्षा (एसईई) सञ्चालन अवधिभर विद्युत आपूर्ति निरन्तर राख्न विशेष व्यवस्था मिलाएको जनाएको छ।
प्राधिकरणअन्तर्गतको भक्तपुर वितरण केन्द्रको कार्यक्षेत्रभित्र पर्ने क्षेत्रमा परीक्षा अवधिभर कुनै पनि प्रकारको विद्युत अवरोध नहोस् भन्ने उद्देश्यले आवश्यक तयारी गरिएको बताइएको छ। परीक्षार्थीलाई सहज वातावरणमा परीक्षा दिन सहयोग पुर्याउने लक्ष्यसहित यस्तो व्यवस्था गरिएको हो।
प्राधिकरणले उपभोक्ताहरूलाई विद्युत आपूर्तिमा सहयोग पुर्याउन आग्रह गर्दै कुनै समस्या देखिएमा सम्बन्धित निकायमा जानकारी गराउन पनि अनुरोध गरेको छ।
