काठमाडौं, चैत ३ । जय ट्रफी इलियट कप आज सुरु हुँदैछ। दुई विभागीय टोली त्रिभुवन आर्मी क्लब र नेपाल पुलिस क्लबबीच उपाधिका लागि प्रतिस्पर्धा हुनेछ। कीर्तिपुरस्थित टियु रंगशालामा खेल बिहान ९:३० बजे सुरु हुनेछ। फाइनल ३ दिवसीय हुनेछ। लिग राउन्ड २ दिवसीय भएको थियो।
संसदीय निर्वाचनअघि राउन्ड रोबिन लिग सकिएको थियो। ४ टोली सहभागी हुन ट्रफीमा आर्मी ६६ अंकसहित शीर्ष र ६५.५ अंकका साथ पुलिस दोस्रो स्थानमा रहँदै फाइनलमा पुगेका थिए।
लिगका ३ खेलमा आर्मीले १ खेलमा जित र २ मा बराबरी खेलेको थियो। २ खेल जितेको पुलिसले १ खेल हारेको थियो। लिगमा एपिएफ तेस्रो र बागमती प्रदेश चौथो भएको थियो।
