भक्तपुर, चैत १ । पितृशोकमा रहनुभएका केपी शर्मा ओलीलाई भेट्न प्रधानमन्त्री सुशीला कार्की आइतबार भक्तपुरस्थित ओली निवास पुगेकी छन्।
प्रधानमन्त्री कार्कीले ओलीका बुवा मोहनप्रसाद ओलीप्रति श्रद्धाञ्जली अर्पण गर्दै परिवारजनप्रति समवेदना व्यक्त गरेकी हुन्। उनले दिवंगत आत्माको चिरशान्तिको कामना गर्दै शोकसन्तप्त परिवारलाई धैर्य धारण गर्ने शक्ति मिलोस् भन्ने कामना गरिन्।
ओलीका बुवाको निधनपछि विभिन्न राजनीतिक दलका नेताहरू, शुभेच्छुक तथा आफन्तजनले भक्तपुरस्थित निवास पुगेर श्रद्धाञ्जली अर्पण गरिरहेका छन्।
यसअघि पनि विभिन्न दलका नेता तथा कार्यकर्ताले ओली परिवारलाई समवेदना व्यक्त गर्दै दिवंगतप्रति श्रद्धाञ्जली अर्पण गरेका छन्।
Published Date: 15 March 2026
