काठमाडौं, चैत १ । वर्षा गराउने मौसमी प्रणाली पश्चिमबाट पूर्वतर्फ सरिरहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।
महाशाखाका अनुसार अहिले बाजुरा, बझाङ, डडेलधुरा, डोटी, अछाम लगायत भू-भागमा वर्षा भइरहेको छ। पाल्पा, गुल्मी, अर्घाखाँची सहित पहाडी जिल्लाहरूमा पनि वर्षा भइरहेको महाशाखाको भनाइ छ।
वर्षा गराउने प्रणाली पूर्वतर्फ सरिरहेका कारण अन्य क्षेत्रमा पनि पानी पर्ने सम्भावना छ । काठमाडौं उपत्यकामा पनि आकाश धुम्मिएको छ र मेघ गर्जन गरिरहेको छ । साथै हावाहुरी समेत चलिरहेको छ।
उपत्यकामा मध्याह्नपछि वर्षाको सम्भावना रहेको मौसमविद्ले बताएका छन् । यो प्रणाली मंगलबारसम्म सक्रिय हुने बताइएको छ।
Published Date: 15 March 2026
