काठमाडौं, फागुन ९ । नेकपा (माओवादी केन्द्र)का अध्यक्ष एवं प्रधानमन्त्री पुष्पकमल दाहालले परराष्ट्र सल्लाहकारमा रुपक सापकोटालाई नियुक्त गरेका छन् । रुपक पूर्वसभामुख तथा माओवादीका उपाध्यक्ष अग्निप्रसाद सापकोटाका छोरा हुन् ।
सापकोटाले चीनको रेन्मिन युनिभर्सिटीबाट अन्तर्राष्ट्रिय सम्बन्धमा स्नातक गरेका छन् । उनी त्रिविको अन्तर्राष्ट्रिय सम्बन्ध तथा कूटनीति समितिका सदस्य पनि हुन् । उनलाई तत्कालीन प्रधानमन्त्री केपी शर्मा ओलीले विदेश मामिला अध्ययन संस्थानको उपकार्यकारी निर्देशक बनाएका थिए ।
त्यसैगरी प्रशासन तथा जनसम्पर्क सल्लाहकारमा रामदीप आचार्य र जनसम्पर्क विज्ञमा देवेन्द्र पराजुली नियुक्त भएका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
