भक्तपुर, कार्तिक ४ । भक्तपुरमा आज नयाँ नेपाल संवत ११४६ को अवसरमा भिन्तुना र्याली निकालिएको छ। नयाँ नेपाल संवत ११४६ अधिकारिक रुपमा भोलिबाट सुरु हुने भएतापनि भक्तपुरमा आज भिन्तुना र्याली निकालिएको हो।
र्याली भक्तपुर नगर परिक्रमा गरी खौमास्थित जगतसुन्दर मल्लको प्रतिकमा पुगेको थियो । त्यहाँ पुगेर मल्लको शालिकमा माल्यार्पण गरिएको थियो । नेमकिपाका केन्द्रीय सचिव प्रेम सुवाललगायतका नेता तथा नेपाल भाषाका अगुवाहरुले माल्यार्पण गरेका थिए ।
र्याली सयौं बाजागाजा टोलीका साथ बहृत रुपमा भएको थियो । र्यालीमा हराजौं मानिसहरुको सहभागिता रहेको थियो । कार्यक्रमस्थलमा भएको कार्यक्रममा विभिन्न नेताहरुले नेपाल सम्वतको महत्वबारे चर्चा गरेका थिए ।
