काठमाडौं, फागुन ७ । पोखरा क्षेत्रीय अन्तर्राष्ट्रिय विमानस्थल एक साताभित्र इन्स्ट्रुमेन्ट फ्लाइट रुल्स (आईएफआर) प्रणालीमा लैजाने भएको छ ।
पोखराको नयाँ अन्तर्राष्ट्रिय विमानस्थलमा आईएफआर प्रणाली सञ्चालनको तयारी पूरा भएको नेपाल नागरिक उड्डयन प्राधिकरण (क्यान) ले जनाएको छ ।
क्यानका प्रवक्ता जगन्नाथ निरौलाले पोखरा अन्तर्राष्ट्रिय विमानस्थलमा आईएफआरको कार्यान्वयन आगामी फागुन २३ गतेदेखि हुने जानकारी दिँदै पोखराबाट नियमित अन्तर्राष्ट्रिय उडान गर्न विभिन्न वायुसेवा कम्पनीले चासो देखाएका छन् ।
कोरियन एयर, बिज एयर, हिमालय र सरकारी स्वामित्वको नेपाल वायुसेवा निगम लगायतले विमानस्थलमा आफ्नो सेवा सुरु गर्न चासो देखाएको क्यानका अधिकारीहरुले बताएका छन् ।
IFR प्रणाली पूर्ण मेकानिकल अपरेटिङ सिस्टम हो र भिजुअल फ्लाइट रुल्सको तुलनामा यो बढी समय लागे पनि अपेक्षाकृत सुरक्षित र सहज भएको क्यानले जनाएको छ।
सन् २०२३ जनवरी १ गतेदेखि सञ्चालनमा आएको यो विमानस्थल अहिले बुद्ध, यति, श्री, सौर्य, गुण र अन्य आन्तरिक वायुसेवा कम्पनीहरूले मात्रै आन्तरिक उडान भर्दै आएका छन्।
