काठमाडौँ, असोज २८ । चालु आर्थिक वर्ष दोस्रो महिना भदौमा कुल विदेशी विनिमय सञ्चिति ७.६ प्रतिशत बढेको छ । २०८२ असार मसान्तमा २६ खर्ब ७७ अर्ब ६८ करोड रहेको विदेशी विनिमय सञ्चिति वृद्धि भई भदौ मसान्तमा २८ खर्ब ८१ अर्ब ३५ करोड पुगेको हो ।
चालु आव भदौसम्मको विदेशी विनियम सञ्चिति अमेरिकी डलरमा ४.७ प्रतिशत वृद्धि भई २० अर्ब ४१ करोड पुगेको छ । २०८२ असार मसान्तमा कुल विदेशी विनिमय सञ्चिति १९ अर्ब ५० करोड थियो ।
कुल विदेशी विनिमय सञ्चितिमध्ये नेपाल राष्ट्र बैंकमा रहेको सञ्चिति २०८२ असार मसान्तमा २४ खर्ब १४ अर्ब ६४ करोड रहेकोमा २०८२ भदौ मसान्तमा ६.९ प्रतिशत वृद्धि भई २५ खर्ब ८२ अर्ब ३८ करोड पुगेको छ ।
Published Date: 14 October 2025
