काठमाडौं, फागुन ६ । आइसिसी विश्वकप लिग–२ त्रिकोणात्मक एकदिवसीय अन्तर्राष्ट्रिय (ओडीआई) अन्तर्गत आजको खेलमा नामिबियाले नेपाललाई २७५ रनको लक्ष्य दिएको छ ।
कीर्तिपुरस्थित त्रिभुवन विश्वविद्यालय क्रिकेट मैदानमा भएको खेलमा टस हारेर पहिले ब्याटिङको निम्तो पाएको नामिबियाले निर्धारित ५० ओभरमा ६ विकेट गुमाएर २७४ रन बनाएको थियो । नामिबियाका लागि जेन ग्रीनले सर्वाधिक ७५ रन बनाए ।
नेपालका लागि सन्दीप लामिछानेले तीन तथा करण केसीले एक विकेट लिए ।
यसअघि फेब्रुअरी १४ मा भएको पहिलो खेलमा नेपालले नामिबियालाई दुई विकेटले पराजित गरेको थियो ।
