चितवन, फागुन ४ । नारायणगढ–मुग्लिन सडकखण्ड थप १५ दिन दिउँसो सवारी आवागमन बन्द हुने भएको छ । बाटोमा पुल निर्माणका लागि विस्तारको काम गर्न सडकखण्ड बन्द गरिएको हो ।
यसअघि मंसिर २० गतेदेखि ३० दिन बिहान ११ बजेदेखि दिउँसो ३ बजेसम्म सडक बन्द गर्ने निर्णय भएको थियो भने एक महिनापछि दिउँसो १२ बजेदेखि ४ बजेसम्म सडक बन्द गर्न थप ३० दिन थपिएको थियो । पहाड काट्ने काम पूरा हुन नसकेपछि जिल्ला प्रशासन कार्यालय चितवनले थप १५ दिन सडक बन्द गर्ने निर्णय गरेको प्रमुख जिल्ला अधिकारी सुरेन्द्र पौडेलले जानकारी दिए ।
सडक विस्तारपछि सवारी आवागमन सहज बनाउन २० वटा नयाँ पुलको मर्मतसम्भार भइरहेको छ ।
