काठमाडौं, फागुन ३ । पूर्वी चितवनको रत्ननगर नगरपालिका बद्रेनीस्थित राप्ती नदीमा डुबेर एक युवकको मृत्यु भएको छ । भरतपुर महानगरपालिका–११ का ३१ वर्षीय प्रसन्न न्यौपानेको खोलामा डुबेर मृत्यु भएको जिल्ला प्रहरी कार्यालय चितवनले जनाएको छ ।
न्यौपानेको शव आज बिहान १०ः३० बजे खोलामा तैरिरहेको अवस्थामा माछा मार्नेहरुले फेला पारेका थिए । घटनाबारे स्थानीय प्रहरी कार्यालयको टोलीले अनुसन्धान सुरु गरेको प्रहरी कार्यालयका प्रवक्ता प्रहरी नायब उपरीक्षक विजयराज पण्डितले जानकारी दिए ।
Published Date: 15 February 2023
