काठमाडौं, वैशाख २३ । चौधरी ग्रुपका अध्यक्ष एवं सांसद विनोद चौधरीले सिङ्गापुरमा आयोजित ‘फिलान्थ्रपी एसिया एलायन्स-२०२५ (पीएए-२०२५)’ को अवसरमा मंगलबार माइक्रोसफ्टका सह संस्थापक बिल गेट्ससँग भेट गरेका छन् । भेटका क्रममा दुवैबीच नेपालको स्वास्थ्य सेवा र रोजगारी क्षेत्रका प्रमुख चुनौतीहरुबारे गम्भीर छलफल भएको छ ।
उक्त भेटमा विनोद चौधरीले सन् २०७२ को विनाशकारी भूकम्पदेखि कोभिड–१९ महामारीसम्म र बालपोषणको क्षेत्रमा “बलीयो नेपाल” अभियानमार्फत गरिएको साझेदारीका लागि गेट्स फाउन्डेसनप्रति आभार प्रकट गरे । उनले नेपालको सामाजिक क्षेत्रमा बिल एण्ड मेलिन्डा गेट्स फाउन्डेसनको दशकौंदेखिको सहकार्यलाई थप विस्तार गर्ने विषयमा छलफल भएको जानकारी दिए ।
सांसद चौधरीले सोसियल मिडियामार्फत बिल गेट्ससँगको साइडलाइन मिटिङको तस्विर पोस्ट गर्दै उक्त जानकारी दिएका हुन् । छलफलमा गेट्स फाउन्डेसनले विश्वका अन्य मुलुकहरुमा सफलतापूर्वक सञ्चालन गरेका स्वास्थ्य र रोजगारी सम्बन्धी कार्यक्रमहरु नेपालमा पनि सञ्चालन गर्न र त्यसलाई सन्दर्भअनुसार विस्तार गर्ने विषयमा समेत छलफल भएको थियो ।
Published Date: 06 May 2025
