मुम्बई, वैशाख २२ । इन्डियन आइडल सिजन १२ का विजेता गायक पवनदीप राजनको आज विहान कार दुर्घटना भएको छ । आज अर्थात मे ५ मा अहमदाबादमा एक गम्भीर सडक दुर्घटनामा परेर गायक राजन घाइते भएका छन् ।
यो दुर्घटना बिहान करिब ९ बजे भएको थियो र गायक गम्भीर रूपमा घाइते भएका बताइएको छ । डाक्टरहरूले उपचार गरिरहेको भिडियो सामाजिक सञ्जालमा पहिले नै भाइरल भइसकेको छ । उक्त भिडियोमा पवनदीप गम्भीर घाइते भएको स्पष्ट रूपमा देख्न सकिन्छ , उनको बाँया खुट्टा र दाहिने हातमा चोट लागेको छ ।
अहिले उनका फ्यानहरु आफ्नो लोकप्रिय गायकको दुर्घटनाको खबर सुनेर चिन्तित भएका छन् । सामाजिक सञ्जालमा उनको छिट्टै स्वास्थ्य लाभको कामना गरिरहेका छन् । दुर्घटनाको कारण खुलिसकेको छैन । यस सम्बन्धमा अनुसन्धान चलिरहेको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
