काठमाडौँ, चैत १५ । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रले काठमाडौँको तीनकुनेमा भएको क्षतिको जिम्मा सरकारले नै लिनुपर्ने बताएका छन् ।
आज (शुक्रबार) राजावादी प्रदर्शनकारी उग्र हुँदा तीनकुनेमा रहेका व्यक्तिका घरमा ढुंगामुढा तथा आगजानी गरेका थिए। मिश्र पनि उनीहरूसँगै प्रदर्शनमा उत्रिएका थिए ।
उनले आन्दोलन नरोकिएको पनि जानकारी गराएका छन् । ‘आन्दोलन रोकिएको छैन । सम्पूर्ण जनधन क्षतिको जिम्मेवारी सरकारले लिनुपर्छ,’ उनले भने, ‘कुनै पनि परिस्थितिमा सर्वसाधारण तथा व्यक्तिगत सम्पत्तिमाथि आक्रमण नगर्न विनम्र अनुरोध गर्दछु ।’ उनले नेताहरूलाई भ्रष्ट पनि भनेका छन् र कहिलेसम्म सुरक्षा पाउने रहेछन् भन्दै चेतावनी पनि दिएका छन् । ‘अहिलेलाई यत्ति भनें । हेरौँला, कहिलेसम्म यी भ्रष्ट र पतित नेताले सुरक्षा पाउने रहेछन्’ उनले भनेका छन् ।
Published Date: 28 March 2025
