मुम्बई, फागुन २७ । बलिउड अभिनेता ऋतिक रोशन घाइते भएका छन् । फिल्म वार २ को सुटिङ सेटमा दुर्घटना हुँदा उनी घाइते भएका हुन् ।
भारतीय सञ्चार माध्यमहरुले जनाए अनुसार उनको खुट्टामा चोट लागेको छ, जसका कारण फिल्मको सुटिङ केहि समयका लागि स्थगित गरिएको छ । ऋतिक र जुनियर एनटीआर अभिनीत यो फिल्म दर्शकले लामो समयदेखि उत्सुक्ताका साथ प्रतिक्षा गरिरहेका छन् ।
वास्तवमा, वार २ का लागि जुनियर एनटीआरसँग एउटा गीतको रिहर्सल गर्ने क्रममा ऋतिकलाई खुट्टामा चोट लागेको हो । डाक्टरले ऋतिकलाई चार हप्तासम्म आराम गर्न सल्लाह दिएका छन् । ऋतिक र जुनियर एनटीआरमाथि फिचर्ड यो गीत अब मे महिनामा मात्र सुट गरिने छ ।
स्रोतका अनुसार सबै मुख्य कलाकारहरूले आफ्नो सुटिङ पूरा गरिसकेका छन् र फिल्म पहिले नै पोस्ट-प्रोडक्सनमा रहेको छ । ऋतिकलाई आराम गर्न सल्लाह दिएता पनि यसले फिल्मको रिलिज मितिमा कुनै असर भने गर्ने छैन ।
