काठमाडौं, फागुन १५ । त्रिशूली–छहरे–टोखा सडकखण्डमा आज (फागुन १५ गते) देखि ‘टाइम कार्ड’ लागू हुने भएको छ ।
जिल्ला प्रशासन कार्यालय नुवाकोटले सवारी दुर्घटनाको जोखिम न्यूनीकरण गर्न सबै सार्वजनिक यातायातका साधनमा लागि टाइम कार्ड लागू गर्न लागिएको जनाएको छ ।
विस्तार हुँदै गएको सहरीकरण, बढ्दो सवारी चाप तथा सवारी दुर्घटनाबाट हुन सक्ने विपद् जोखिमलाई न्यूनीकरण गर्न ‘टाइम कार्ड’ लागू गरिएको प्रशासनले जनाएको छ ।
