काठमाडौं, असोज २९ । लगातार ४ दिन घटेको सुनको भाउ दसै लगत्तै भने बढेको छ । नेपाल सुन–चाँदी व्यवसायी महासंघका अनुसार आज मंगलबार छापावाल सुन प्रतितोला १४ सय रुपैयाँले बढेर १ लाख ६० हजार ५०० रुपैयाँ कायम भएको छ ।
यसअघि असोज २३ गते सुनको भाउ १ लाख ५९ हजार १०० रुपैयाँ कायम रहेको थियो ।
दसैंअघि असोज २०, २१, २२ र २३ गते भने सुनको भाउ क्रमशः प्रतितोला ३००, ५००, ४०० र १ हजार रुपैयाँले घटेको थियो । त्यसपछि असोज २४ गतेबाट ५ दिन अर्थात् असोज २८ गतेसम्म भने विदाको कारण सुन–चाँदीको कारोबार भएको थिएन ।
आज चाँदीको भाउ पनि तोलामा २५ रुपैयाँले बढेर १९ सय २५ रुपैयाँ कायम भएको छ । यसअघि असोज २३ गते चाँदीको भाउ प्रतितोला १९ सय रुपैयाँ कायम रहेको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
