थाइल्याण्डका प्रधानमन्त्री थाविसिन बर्खास्त

काठमाडौँ, साउन ३० । थाइल्याण्डको संवैधानिक अदालतले प्रधानमन्त्री स्रेथा थाविसिनलाई बर्खास्त गरेको छ । जेल सजाय भुक्तान गरेका एक पूर्व वकिललाई मन्त्रिपरिषदमा सहभागी गराएको आरोपमा संवैधानिक अदालतले थाविसिनलाई बर्खास्त गरेको हो ।

संवैधानिक अदालतले थाविसिनले नैतिक आचरण उल्लंघन गरेको र अवज्ञाकारी व्यवहार गरेको बताएको छ ।६७ वर्षीया स्रेथा थाविसिन एक वर्षभन्दा कम समय प्रधानमन्त्री रहे । थाविसिन विगत १६ वर्षमा देशको संवैधानिक अदालतले पदबाट हटाइएका तेस्रो थाई प्रधानमन्त्री हुन् ।

थाविसिनको स्थानमा अन्तरिम प्रधानमन्त्री नियुक्त गरिनेछ । त्यसपछि नयाँ प्रधानमन्त्री चयनका लागि संसद्को बैठक बोलाइनेछ । अदालतको फैसलापछि थाविसिनले भने, ‘मलाई आफ्नो इमान्दारीमा पूर्ण विश्वास छ । मलाई माफ गर्नुहोस्, तर अदालतको निर्णयसँग असहमत छु मैले भनेको होइन ।’ अदालतको यो निर्णयले थाइल्याण्डमा राजनीतिक अनिश्चितता बढाएको छ । बीबीसी