काठमाडौं, साउन २८ । सेयर कारोबार रकमले आज पनि नयाँ रेकर्ड कायम गरेको छ ।
अघिल्लो दिन २५ अर्ब ७७ करोडभन्दा बढीको कारोबार भएर नयाँ रेकर्ड बनेको थियो । तर उक्त रेकर्ड सोमबार पुनः तोडिएको हो । सोमबार अहिलेसम्मकै उच्च २७ अर्ब २४ करोडभन्दा बढीको कारोबार भएको हो । नेप्से परिसूचक पनि ७०.८१ विन्दुले बढेर २९३१.६५ अंकमा आएको छ ।
आज ३३९ कम्पनीको ६ करोड ४८ लाखभन्दा बढी कित्ता सेयर कारोबार भएको छ । १ अर्ब २२ करोडभन्दा बढीसहित कारोबार रकममा हिमालयन रिइन्सुरेन्स अग्रस्थानमा आएको छ ।
यसैगरी, दोस्रो र तेस्रो स्थानमा क्रमशः शिवम् सिमेन्ट्स र नेपाल फाइनान्स परेका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
