काठमाडौँ, जेठ ३१ । आईसीसी टी– २० विश्वकप क्रिकेट प्रतियोगिताअन्तर्गत गए राति भएको खेलमा भारतले अमेरिकालाई ७ विकेटले हराएको छ । सुरुवाती ब्याटिङ गरेको अमेरिकाले निर्धारित २० ओभरमा ८ विकेटको क्षतिमा ११० रन बनाएको थियो । १११ रनको लक्ष्य पछ्याउँदै जवाफी ब्याटिङमा उत्रिएको भारतले १८.२ ओभरमा ३ विकेट गुमाउँदै लक्ष्य पूरा गरेको हो ।
अमेरिकाका लागि स्टिभन टेलरले २४ रन बनाएका थिए । त्यस्तै एरन जोनसनले ११ रन जोड्दा नितिश कुमारले २७ रन जोडे । त्यस्तै कोरी एन्डरशनले १५, हरमित सिंहले १० तथा साडली भानले १० रन जोडे । भारतका लागि अर्सदीप सिंहले ४ विकेट लिँदा हार्दिक पाण्ड्याले २ तथा अक्षर पटेलले १ विकेट लिए ।
भारतका लागि सूर्यकुमार यादवले नटआउट ५० रन बनाउँदा शिवम दुवेले नटआउट ३१ रन जोडे । रोहित शर्माले ३ रन जोड्दा विराट कोहली शून्य रनमा आउट भए । रिशव पन्तले १८ रन जोडे । अमेरिकाका लागि सौरभ नेत्रबल्करले २ विकेट लिए भने अलि खानले १ विकेट लिए । यो जितसँगै भारत सुपर ८ का लागि क्वालिफाइ भएको छ ।
Published Date: 13 June 2024
