काठमाडौं, माघ १७ । इन्टरनेट सेवा प्रदायक संघ नेपाल (आईस्पान)को अध्यक्षमा पुनः सुधीर पराजुली दोहोरिएको छ । सोमबार सम्पन्न आईस्पानको २२औँ साधारणसभाले पराजुलीको अध्यक्षतामा ९ सदस्यीय कार्यकारी समिति सर्वसम्मत चयन गरेको हो ।
आईस्पानमा पराजुलीको नयाँ कार्यसमितिको उपाध्यक्षमा मनोज अग्रवाल , महासचिवमा नवीनकुमार श्रेष्ठ , कोषाध्यक्षमा पुष्कर बडाल र सचिवमा सुरेन क्षेत्री सर्वसम्मत चयन भएका छन् । त्यस्तै कार्यकारी सदस्यहरूमा कमलप्रसाद बास्तोला, सुदिप आचार्य, मधु अमात्य र सुजन थापा सर्वसम्मत भए । संघको सल्लाहकारमा विनय बोहरा, विनयमोहन साउद र प्रमेश खरेल रहेका छन् भने प्रमुख कार्यकारी अधिकृत (सीईओ)मा सुवास खड्कालाई निरन्तरता दिएको थियो ।
साधारणसभाले बृजेश पालिखे, रमेश काफ्ले र आशिष श्रेष्ठ रहने गरि पहिलो पटक फङ्सनल कमिटी पनि बनाएको छ, ।
आईस्पानको नयाँ कार्यसमितिले इन्टरनेट सेवा प्रदायहरूका समस्याहरूलाई एक–एक गरी समाधान गर्ने, नेपाल सरकारलाई समस्या समाधान गर्न ध्यानाकर्षण गर्दै दबाब र गुणस्तरीय सेवा दिँदै इन्टरनेट क्षेत्रको विकास गर्ने लगायतका लक्ष्य लिएको आईस्पानका प्रमुख कार्यकारी अधिकृत सुवास खड्काले बताए ।
